K’ADDARA CE CHAPTER 3 BY MAMAN NUSAIBA

K’ADDARA CE CHAPTER 3 BY MAMAN NUSAIBA 

Hanan  na zuwa shagon data  saba  siyan  magani  ta bada  dubu  shabiyar  Ta ce”ya  bata  maganin  da ta saba  siya.. Shi  kuma mai  shagon  sai Kallon  Hanan  yake yana  lashe  baki  kamar  wani  maye, Ya ce” a a Hanan  kece yau  a shagon  namu? sannu  da zuwa….  Hanan  murmishin  yak’e  Tayi  Ta ce” eh  ranka  ya dad’e  nice magani  nazo  siyawa  Baba na ….

Sake  washe  baki  Ya yi Ya ce” to  Masha Allah  ya jikin Baban? to Allah  ya bashi  lafiya.  Ameen  Hanan Ta ce”   bata  sake  cewa  komai  ba , saboda  ta tsani  mutumin  bata  ganin  mutumcin shi a idon  ta, dan ma ita bata  da fad’a  da ko gaisuwa  baza  ta sake  had’a su ba… Maganin  aka  mik’o  mata  katan biyar ne duk  katan  d’aya  guda  Ashirin ne a ciki , Amsa  Tayi  ta mishi godiya  ta juya  zata  tafi…

Mai  shagon  Ya ce” bari na taka  miki  mana  Hanan!  Harara  Ta aika  mishi  Ta ce” ka barshi  na gode  kasuwa  zan  k’arasa  ne  ba Gida  zani  ba… Haka  Ya yi ta mata  magiya  akan  ta bari ya  raka  ta, amma  Ta ce”  da shi ya barta  kasuwa  zata  je siyayya, amma  daya  ke makwawaci  ne sai  da ya biyo ta har  Kasuwar…

Suna  shiga cikin  Kasuwar  Hanan  ta sayi  Shinkafa  kwano  biyu da  taliya  Y’ar leda guda  goma,  da sauran kayan  miya  sosai  tayi  sayayya  da wannan  dubun  shabiyar,  sai da ya rage  mata saura  dubu uku  tukun  ta bar  siyayya, d’an  dako  ya daukar  mata ya  saka  mata a Nepep, ta biyashi  Hakk’in sa ya mata  godiya  ya tafi….

Kallon shi Ta yi  Ta ce” wai   Abdul Majeed  lafiya  kake  bina?  nace maka  ka kyale ni ko  ni  ba Y’ar  iska  bace  ka fita  sabga  ta na fad’a maka!  Murmishi  Ya yi  Ya ce” dama  Hak’uri  ne nazo na bak’i  akan  Abubuwan  da nasha  miki  a baya  kiyi  Hak’uri  dan  Allah ! Hanan  ni  yanzu  sonki  nake  da aure…. kallon  baka da hankali  Hanan  ta mishi  ta shiga  cikin motar Ta ce” direban yaja  su tafi…. Abdul Majeed  na fad’in, Hanan  ki  tsaya  dan  Allah !Muyi  magana ta fahimta, amma  ta ki  sauraron  shi  suka bad’e  shi da k’ura  suka tafiyar su……

A hanya  Hanan  kuka take  tana  tuna  rashin mutumcin  da Abdul Majeed  ke mata  a baya, amma  Yan zu shine zaizo Ya ce” wai  yana  sonta, lalle  maza  basu  da kunya, an fada  mishi  rashin  gata  hauka ne, dan  yaga  bata  da kowa  sai ya dauka  ita lalatacciya  ce.. sake  share  hawaye  Tayi  Ta ce” saina nuna maka  cewa  tarbiya  tafi kud’i  daud’ar  Duniya,  D’an Iska  kawai  marar mutumci,  Allah  ya isa ban yafe  maka  ba  da cin  zarafi na da kake yi,  shine  Yan zu idon  ka da kunya kazo kace kana  sona,  Insha Allah  yadda  kaso  wulak’anta ni sai  Allah  ya wulak’anta ka, Allah  ya kare ni daga  sharri  Samari  irin ka masu  zuciya a bushe……

Direban Nepep Ya ce” Hajiya  kiyi  Hak’uri  kinsan  Mutane  haka  suke, idan kai Talaka ne to kaine  D’an Iska  lallatacce, baka da gata  indai  kai Talaka ne ,ki k’ara Hak’uri  wata  rana sai labari….. Hanan  Ta ce” nagode  Malam  Allah  yasaka  maka da alkhairi. Ameen  Ya ce” tukun  ya tsaya  ta sauka saboda  sunzo  Gidan  su Hanan.. kud’in ta tambaye shi nawa ne? sai  Ya ce”  ba komai ki barshi  kawai.. Godiya sosai  Hanan ta mishi tukun  ta shiga Gida…

Da  Sallama  Ta shiga  tin  kafin ta k’arasa  ma K’annuwan  ta suka yo kanta  da gudun  su, suna murnar  ganin  ta…, Saudst  Ta ce” Anty  Tin d’azun  muka  zo Baba Ya ce” kin  tafi ki  siyo  mana  Abinci, gashi cen ma Baban  Ya ce” kuma K’afar shi ta soma mishi  ciwo….

Da sauri ta k’araso wajan  Baba  Ta ce” Baba  sannu  Allah  ya baka   lafiya  ga maganin  tashi  kasha, Sadaut  maza kije ki  kawo min  ruwa  Naba Baba  magani… Saudat  da sauri  Tayi  wajan  wata  roba babba  wadda  suke zuba ruwa  a cikin  ta, ta dauko  ta kawowa  Hanan.. Amsa  Hanan  Tayi  ta b’alli  maganin  guda  biyu  ta sakawa Baba  a baki, Ta ce” ga ruwan Baba  kasha maganin  Anjima zaka ji k’afar  ta dena ciwo. Baba  ya amshi ruwan  yasha maganin  tukun  ya koma ya kwanta  akan  tabarmar  shi… 

Kallon  Hanan  Yayi  tana  share hawaye  Ya ce” Allah  ya miki  albarka,  Hanan  yadda  kike  d’awainiya  dani Allah  yasa kema wata  rana  Yaran ki su miki  fiye  da yadda  kike min, bani  da D’a  Namiji  Babba amma  ke kinfi  Namiji  goma a gurina, Allah  ya muku  albarka  dake  da Y’an  Uwan ki, kije ki dafa  musu Abincin,  ga Mahfuz cen ma Yayi  ta kukan yunwa ya gaji  Bacci  ya dauke shi…..

Hanan  Ta ce” Ameen  Baba  Allah  yabaka  lafiya , bari naje na daura  musu  Abincin. tashi  Tayi  ta shiga dakin  su ta fito  da tukunya ta daura ta soma  had’a girki.. Taliya  tayi sauri  ta dafa ganin  Saudat  Tayi  lakwas  sai  lumshe  ido take  alamar  dai yunwa take  ji sosai..  

Tana  gamawa  Ta  zuba wa Saudat  ta koma  Gidin  Bishiyar  da Baba yake ta shinfid’a  wata  tabarmar babba, Mahfuz ta  tasa  ta wanke  mishi  fuskar  shi da hannun  shi. Ta ce” Auta muje kaci Abinci kaji  , maza bude  idon  gashi  cen na dafa. Mahfuz  Ya yi  sauri  ya k’araso  kan  ta barmar, zama  Ya yi  suka soma cin abincin..

Baba  ta zubo wa Ita  kuma ta koma Kauye  tana  kallon  su hawaye  na bin  kuncin ta, ganin  yadda su Saudat  ke ta cin  abincin kamar  sunyi  wata  basuci  komai  ba, dama  da safe  garin  kwaki  ne ta jik’a musu  sukaci,  shine  a cikin su har  suka dawo  daga  Makaranta.   Sai da taga  dukkan su kowa ya k’oshi  har Baba tukun ta  dauk’e  kwanukan,  sauran  da  tayi  saura  ita taci  badan  ta koshi  ba haka ta Hak’ura, ta san in tace Gidan  Maman Islam  zata ci Abinci har  ta kawo  wani  Gida.. Da  haka ta dawo kan wankin  ta taci gaba  da yi , su kuma su Saudat  suka kama  wasan  su…..

Hanan  ma gama  wankin  ta, cikin sauri  take  komai ganin La’asar  ta kusa, sai da ta linke kayan  da suka bushe  ta zuba su a wata  leda mai d’an girma ta aje a gefe. Kallon  Saudat  Tayi  Ta ce” Saudat  ku Zau na  naje Gidan  Maman  Islam  na dawo,  karki  tafi ko ina ga Baba nan   idan  An jima ki  dauki  maganin  shi guda biyu  ki bashi  yasha, kina jina Saudat! 

Saudat  kamar  za Tayi  kuka  Ta ce” Anty  zan biki Gidan  su Islam  d’in  sai muyi  wasa  da ita, kin ga ita  tana son mu nida  Mahfuz, idan  muka je school har  Abinci take  kawo  mana  muci tare, yau  kuma hadda  Indomie ta bamu  a school d’in. Saudat  ta k’arasa maganar  cikin  jin dad’i…..

Hanan  Ta ce” a a bazan je dake  ba ki  Zau na a Gida,  indai  Islam ce Zan turo muku  ita sai kuyi  wasan, kinga  sai  ki  taya  Mahfuz wanka  anjima  ku  tafi  Islamaya kinji Y’ar kirki!  Saudat  tsalle  Tayi na jin dad’i  jin ance mata Y’ar kirki. Ta ce” to shikenan  kice tazo da wuri muyi  wasa… Hanan  Ta ce” to  zan fad’a  mata  Insha Allah.   Kayan  wankin  ta dauka  ta kalli  Baba  Ta ce” Baba  saina  dawo , idan banzo  da  wuri ba zan  siyo  mana  Abinci a hanya… 

Baba Ya ce” to Hanan Allah  ya kareki  Allah  ya kiyaye  hanya  a dawo  Lafiya.. Ameen  Ta ce” tana  wucewa waje..  Gidan  Maman Islam  ba nisa da Gidan  su Hanan, bata fi minti  goma ba taje Gidan..

Da Sallama  ta shiga  cikin  Gidan, Mai Gadin   ne ya amsa  mata  Sallamar  fuskar shi dauke  da Murmishi  ganin  Hanan ce.  Ya ce” a a Hanan  kice  da Kusan La’asar D’in nan?  Murmishi  Hanan  Tayi  Ta ce” eh Baba  nice  barka  da yini  ya aikin?   Ya ce”lafiya lau    yasu  Mahfuz? Suna  gida  lafiya, tukun ta nufi  k’ofar  da zata  sada ta da falon Gidan…

Da Sallama  ta kutsa kai  cikin  falon, Maman  Islam  na Zau ne tana  zaman  jiran  ta sai taji  Sallamar ta. D’ago da kanta  Tayi  fuskar ta dauke da Murmishi Ta ce” Amin wa’alaikum salam  Hanan  sannu  da zuwa  Tun d’azu  nake  zaman jiran  zuwan ki, da har zan tura  Islam  Ta gano min ko  lafiya sai gaki ma Zauna  mana  ga kujera! 

Murmishi  Hanan  Tayi  Ta ce” Wallahi  Anty  na tsaya  wanke  kayan ku ne, shiyasa  kikaji  ban zo da wuri  ba, ai ba sai na Zau na ba muje kitchen  d’in  a soma girkin.. Anty  Islam  Ta kawo  kud’i  har da k’arin  dubu  goma , Nagode sosai  Allah  yasaka miki da alkhairi,  kina da kirki sosai  bazan  tab’a  manta  alkhairi  a garemu  ba a duk  inda na tsinci  kaina,  koda  K’ADDARA CE ta raba mu  bazan manta  dake ba, nagode sosai.. Hanan  na magana  tana  kuka…

Maman Islam  d’ago da  Hanan  Tayi  daga  durk’ushen  da tayi  a gaban  ta , Ta ce” haba  Hanan  meye  na godiya  ai kin  zama  Y’ar Uwa ta,  karki  damu ki  dena gode min dan  na taimaka  muku, ni  Y’ar Uwa ce a gare ki kinji! Tashi muje  a soma girkin..  Tashi  Hanan  Tayi  suka  tafi  kitchen, babu  b’ata lokaci  suka  soma girki  kala-kala.. 

Bayan  sun gama ne Bak’in Mijin  Maman Islam suka zosu, dama  tuni  sun shirya  musu  Abincin, Baban Islam  Yayiwa  Bak’in shi  jagora  zuwa  dirning, Nan  suka soma cin  abincin  kowa sai santi  yake  zuba wa… Bayan  sun gama  ne su Hanan  suka    gyara  wajan, Hanan  ta wanke  kayan  tas  ta gyara  kitchen  d’in, tana gama wa ta fito  zata  tafi  gida…

Maman  Islam Ta ce” Hanan  har  Gida ne zaki tafi? Sun kuyar  da kanta  Hanan  tayi  saboda  bata  son  tsaya wa   idan  Baban  Islam  yana nan duk kunya ke kama  ta. Ta ce” eh Anty zan tafi idan naje  sai na turo miki  da Islam d’in…

Tashi  Maman Islam  Tayi  ta sauko Abincin cike da kula Babba  da  kud’i dubu biyar ta mik’awa  Hanan.  Hanan  Ta ce” haba  Anty  ki bar kud’in nan dan Allah! Abincin  ma Yayi  ba sai kin bani  kud’i ba…Daure fuska Maman Islam  Tayi  Ta ce” bana  son haka Hanan  amshi nace! ke kullin sai mun  ringa  jayayya  dake, kama  amshi  inba so kike  ranki ya b’aci ba! Maman Islam  Ta yi magana cikin tsawa²  ,saboda  tasan inba haka tayi wa  Hanan  ba baza ta amsa ba……

Hanan  ganin ba wasa  a fuskar  Antyn  nata  sai ta amsa  ta mata godiya tukun sukayi Sallama  ta tafi Gida.. Tana zuwa gida ta tura  Islam Gida, Abincin  ta zuba musu  sukaci Ita ma taci, sauran  ta aje musu  anjima da dare  sai su k’ara……

*****************************

Iman  ce ta  fito  da kayan  Tallar  ta, ta nufo  Gidan  su Sultana, Mama  na mata  fatan  siyar wa da wuri ,tana  amsawa  da Ameen har  ta baro  Gidan..  

A  bakin  k’ofar Gidan  su  Sultana  suka  had’u  da Sultana, itama  ta fito  da kayan Tallar  ta, ba bata  lokaci  sukayo  bakin  hanya… Wanda  ya dauke  su Jiya  shine ya tsaya. Kallon  su Ya yi  a a an fito ba? sannunku,  Ina zan kaiku ku? 

Sultana  ce Tayi  saurin fad’in  *MARSHÈ DANTOKPA*  Cen Kasuwar  zaka  kai mu..  Ya ce to kuzo muje.  Sai  da  Iman  Ta aika mishi  harara  tukun  Ta shiga . Dariya  Yayi  Ya ce” Hajiya  Iman  bako gaisuwa  ma , irin wannan  shan kunu haka!  Sake  aika mishi harara  Tayi  Ta ce” baza a gaishe  ka d’in  ba, ko  dole ne sai na gaishe ka Iyeee?  Kai kafita  ido na ,hadda  wani  cemin  hajiya  ko  wa ya kaini  Makkah  d’in  da kake  cemin Hajiya,  wato saboda  neman  guri  ko? to bana  son wannan  Iyayin  naka.. .

Sultana  Ta ce” kai rabu  da ita  wannan  rik’on  Mahaukaci sai Sarki ce, ka dena tab’a ta tana  cika min kunne  da fad’a, Sarkin fad’a  ai wanda  zai aure ki ya shiga  uku da wannan  masifar  taki, sakarya kawai, duk kin cika min  kunne da ihun ki…

Kuka  Iman Ta saka  jin  Abin da Sultana  Ta fad’a mata, har  suka je Kasuwa  bata  dena kukan ba, sai da suka sauka  ta goge hawayen Ta, tukun suka  sauke  kayan su na Abincin,  zama  sukayi  amma  Hajiya Iman  Ta cika tayi  fam, tana  hura hanci sama sai aikawa  Sultana harara  take…. Ita kuwa  dariya  take ciki-ciki  ganin  yadda  Mutuniyar  ta,ta  ke aiko  mata  da sak’on harara. Ta ce” Masifaffiya  inba haka na miki ba da sai kin yiwa bawan Allah rashin kunya,  idan  aka jima mun shirya ai…. ..

*WACECE IMAN*

*WACECE SULTANA* 

*WACECE  HANAN*

*Wacece  Iman?*

Malam  Jibril  Shine asalin  sunan Mahaifin  Iman, d’an  asalin  cikin  garin  Kwatano ne, anan  Yayi  karatun shi ya gama. Su biyu ne a wajan  Iyayen su, daga  shi sai k’anwar sa mai suna Laraba..

  Bayan  kammala karatun shi  ya  kama  kasuwanci, sosai  Allah  ya bud’e mishi  k’ofar samu,  ya soma kasuwanci da shekara daya  Allah  ya had’a  shi  da wata  Budurwa Y’ar nan  layin su, mai  sunan  Mariya.. Tinda ya daura  idon shi akan ta Allah  ya jarabce shi  da Kaunar  Mariya, baiyi  k’asa da gwiwa ba ya garzaya  zuwa Gidan su   dan  ya fad’i  sak’on  dake  cikin  zuciyar shi.. Bayan  ta fito ne suka gaisa  da ita, da farko  k’asa  cewa  komai Ya yi  sai  da yaga  dai  shurun  ba anfani  zai mishi  ba ya soma magana  kamar  haka: 

Am  Mariya  dama nazo ne na fad’a miki  sak’on  dake  cikin  zuciya ta, a gaskiya  tinda  na ganki  ranar  da kika je Gidan  mu  wajan  k’anwata  naji  na kamu  da kaunar  ki  sosai, shine nace bazan bari wani ya rigani  ba gyara nazo na fad’i  sirrin  nake raina, kar nayiwa kaina, Ina  fatan  zan samu  k’arrubu wa a cikin  zuciyar ki, kuma ni bada  wasa  nazo ba auren ki nake son yi, Allah  yasa  dai  wani  bai rigani  sace zuciyar kiba… Jibril  Ya yi  maganar  cike da rauni  dan  ba k’aramin  so yake yiwa Mariya ba……

Wani  mugun dad’i Mariya  taji  ganin  Jibril  Ya ce” Yana son ta da aure, amma  saboda  Jan aji  irin  na Mata  sai ta sunkuyar  da kanta  Ta ce” naji dad’i  sosai  da wannan  Babbar kyautar, amma  ka bani  nan  da kwana  uku ko hud’u zanyi tunani  sai na baka  amsa, idan kuma ban fad’a maka ba to zakaji komai daga  bakin  Laraba…..

Kamar Jibril zai mata kuka, Yayi  fuskar  Tausayi  Ya ce” to Allah yasa   ayi  tunani  mai kyau  please Mariya  kar kice baki  sona, Wallahi  ina mugun  kaunar ki kinji!   Murmishi  Tayi  Ta ce” to karka  damu  ,Yan zu zan shiga  ciki  sai an jima … Sallama  sukayi  ta shige  Gida  ta bar shi anan.  Haka dai ya tafi  jiki  a sanyaye  yana Addu’ar  Allah  yasa  ta amince da Soyayyar shi.

A kwana a tashi  ba wuya a wajan  Allah  Mariya  ta amince da Soyayyar Jibril, hakan  ba k’aramin farin ciki  ya saka  Iyayen basu  ba ,babu  bata  lokaci  aka  saka  ranar  bikin  sati  biyu  kacal, masu  zuwa.. Lokacin  biki  nayi aka sha  shagali, aka kai Amarya  Gidan ta. Sosai  Mariya  take  ganin  Soyayya da kulawa  a wajan  Mijin nata, Sai da sukayi  shekara  biyar da aure  tukun  Allah  yabasu  haihuwa, sosai  suka shiga  farin ciki marar musultuwa..

Lokacin  Haihuwa Ya yi  Mariya  ta haifi  Y’ar ta Mace  kyakyawa mai kama da Uban ta, ranar  suna Yarinyar taci sunan  Iman, haka Iman  Ta ringa samun kulawa tako wani  b’an gare, duk inda Jibril 

  zaije wajan  kasuwanci shi tare  yake tafiya  da Matar shi da Y’ar shi.. Wata  rana  wadda  ahalin  Jibril  baza su tab’a  mantawa  da wannan  bak’ar ranar ba. Jibril Ya shirya  shida Abokin shi zasu  tafi  Kasuwancin da suka saba, kamar  yana duba lokacin  daya  shirya sai  ya fita  zai tafi sai ya dawo  ya kuma kallon  Mariya..  Ya ce”  Mariya  ga amanar  Iman nan nabar  miki  DUK TSANANI kar ki  bari  ta  wulak’anta, ki  kula min da ita kada ki bari zamani  ya rud’e ta,ki bata  tarbiya  mai kyau.. 

Idan  ya fad’i  haka  sai  Mariya ta saka kuka   ganin yana  mata  magana  kamar  mai barin  Wasiyya  inzai  mutu. A haka dai suka  tafi yana  waiwayen  ta , suka shiga mota  suka bar Gidan.. Bayan  kwana  biyu  da tafiyar  su  aka  kira Mariya  a waya, ganin  bata san  number  ba sai taki dauka, sake  kira  akayi tukun  ta dauka cike da far gaba Ta kara wayar  a kunan  ta, dama tin safe gaban  ta ke fad’uwa  ta rasa  mai yake mata dad’i, sai gashi  an kira ta da sabuwar number…

Cike da tsoro  Tace” Assalam alaikum.. 

Wata murya taji  marar  dad’in ji  ana   fad’in, ke Y’ar renin  hankali  ga Mijin ki nan zai miki  magana.. Mariya  a furgice ta mik’e  tana son jin  muryar  mijin  nata.. Daga cen b’an garan Jibril Yayi magana cikin  galabaita  Ya ce”  Hello  Mariya  dan Allah  ku basu duk Abin da suke so,kin ganmu  Tin ranar  da muka tafo zamu shiga  Ibadan  suka tare mu ,sun kawo mu wani daji mai Abin tsoro, dan  Allah  a basu ko  nawa suke buk’ata dan su sake mu…Kwace wayar  akayi, aka  cewa Mariya. Ke idan baku kawo naira  million ashirin ba baza mu sake su ba, ko  wanne  million  ashirin-ashirin  zaku kawo, maza  ku kawo  million arba’in su biyu, inba haka ba zamu  kashe su mu bawa  kura  naman su ta cinye. Yana fad’in haka  ya kashe kiran…

Kuka Mariya ta fasa  ta kama hanun  Iman  Ta nufi Gidan  surukan ta, tana  zuwa ta fad’a musu  Abin da wanda  suka sace su Jibril suka fad’i, ranar  sun shiga tashin hankali, marar musultuwa,   haka aka  had’a  kud’in da Jibril Ya bari a cikin  account bank d’in shi,amma  duka million  shida ne,duk ya dauke kud’in ya tafi dasu  kasuwancin shi.. Sosai  suka k’ara  shiga tashin  hankali… 

sake  kira sukayi nan Baban Jibril  Ya fad’a  musu  basu cika  ba  kud’in  million shida ne, suyi  Hak’uri su karb’a..  Y’an garkuwar suka ce to a kawo musu  million shidan d’in zasu sakesu. Cike  da farin  Baban  Jibril  Ya  had’a kud’in ya tafi  inda suka ce ya kai kud’in.. Yana  kai wa Ya ce” gashi  ya kawo  amma  baiga  Jibril ba?  sai suka ce ya aje kud’in ya koma Gida su zasu kawo  Jibril har bakin gari sai ya k’arasa  da kanshi… Haka  Baban Jibril Ya koma Gida suna kallon  hanya suka yau she Jibril  zai zo Gida, Shuru shuru  Jibril  bai zo ba har  akayi  kwana biyu, nan suka kara  shiga  wani  tashin hankalin,Har  yau  ba’a san a ina Baban Iman  yake ba,ya mutu ko yana  raye  ba wanda  ya sani  har  yau… 

Maman  Iman  Ta shiga  cikin  tsananin damuwa  koda yau she kuka take, ga shi basu  da komai  duk kud’in daya  rage  a hannun ta ya k’are,  ganin  tana da dubu  goma a hannun  ta sai ta fara  daura wa  Iman  tallar  WAGASHI  tin tana Y’ar shekara 10 take  tallar  WAGASHI  har izuwa yau,  kuma Alhamdulillah  suna samun na rufin  asiri…

*Wannan shine asalin Iman*

**************************

*Wacece Sultana*

Malam Ilyas  shine asalin sunan Mahaifin Sultana, shi kadai  Iyayen shi suka haifa, daga  kanshi basu sake samun  haihuwa ba,ta tsaya.. Ya taso cikin gata  da kulawan  Iyayen shi, sun bashi  tarbiya  ta gari, tin  a school  ya had’u  da  Hassana, Allah  ya daura mishi son ta,Tin yana b’oye wa har ya gaji yazo ya fad’a mata, ta kuwa Amince… Bayan  sun gama  karatu ne manya  suka shigo  maganar , Babu  bata  lokaci  suka saka  ranar  bikin  Tinda  Ilyas  ya samu  aiki, ita kuma Hassana  idan  ta gama  exams za’a yi bikin su sai taci gaba da karatu a Gidan ta.. 

Haka  kuwa aka yi  tana  gama  exams  aka  musu  aure  ansha  biki Iyayen Ilyas sun yi rawar gani a bikin  d’an  nasu,kayan  d’aki ma su suka yiwa Hassana,  hakan ba k’aramin farin ciki ya saka  Iyayen  Hassana ba, saboda  su Talakawa ne basu da komai… Bayan auren su da shekara d’aya Hassana  ta samu  ciki, zo kuga murna a wajan  Ilyas da Iyayen sa, kamar  ya maida Hassana  ciki  yake ji .., Haka  suka reni  cikin  cike da so ta kauna, kai yakai wata takwas …

Wani biki ya tashi  a dangin Baban Ilyas suka shirya  su hud’u suka tafi Garin  Jos, acen  duk familyn su suke Dangin Baban Ilyas har  da Maman shi,aiki ne ya kawo  Baban shi garin Kwatano.. A hanya  sun  kusa  zuwa Garin  Jos  sukayi  accident, Babu  wanda Yayi  rai sai Hassana  ita ma sai da ta samu karaya  biyu a k’afa da hannu.. Tana dawowa  Hayyacin  ta aka  bata  labarin ai Mijin ta da Surukan ta sun mutu, ai ko ta suma sai da tayi  sati a sume tukun ta farfad’o.. Koda  yau she kaga Hassana  cikin kuka take, Dangin  Ilyas  suka zo suka amshe  kud’in  da ya bari  suka hana  Hasana  gadon ta da na Abin da yake cikin ta, rayuwa ta dawo mata mai cike da talauci  wahala  ga ciki  gashi  Iyayen  ta basu da shi, haka dai har ta haifi  Y’ar ta  Mace kyakyawa mai kama da ita, ranar  sai da ta raba  dare  tana  kuka, inta kalli  Jaririyar sai ta tuna burin  da Ilyas  yaci a kan  Babyn  cikin ta, Yan zu gashi  ta haihu  baya Duniyar,  wannan  cike saka ta kuka…..

Ranar  suna  Yarinyar  taci sunan Sultana, Hassana  Ta ce” Ilyas  Yace  yana son sunan  Dan haka ta saka  wa Jaririyar ta.. Haka  ta reni  Y’ar ta  kullin  sai Tayi  aiki  a Gidan  masu kud’i  take  samu  ta kula da Jaririyar ta…..

sosai  take shan  wahala  da haka dai har  Sultana  Ta isa  zuwa Makaranta,  haka  ta kai ta Makaranta ta saka ta a Boko da Islamiyya..

 A nan ne suka had’u  da Iman  jinin su yazo  d’aya  she   suke komai tare  in suka je school, sosai  shak’uwa  ta shiga tsakanin Iman  da Sultana, idan  d’aya  bashi da labari  to d’ayan bazai je ko ina yana tare  ta d’an Uwan shi.. Ta  dalilin  k’awancen  Iman da Sultana Iyayen su suka san juna, suma suka daura  k’awancen su. Maman  Iman ce ta taimakawa  Maman Sultana  da Jari  na kud’i  da take Sana’a , ta bata  dubu goma  ita ma ta soma sana’ar , tana  daura wa  Sultana, kullin  a  tare  suke  zuwa talla  school Islamiyya,  koda yau she  suna tare  in kaga sun rabu to bacci ne…….

*Wannan shine asalin Sultana da kuma k’awancen su da Iman*

_________________________

*Wacece Hanan?*

wannan amsar sai ku biyo Mom Nusy domin jin wacece Hanan? 

Masu buk’atar littafin nan zaku Iya tuntub’a ta ta WhatsApp number nan +966599791573

Zaki iya biyan kud’in ki ta wannan hanyar 0002482217 jaiz bank

 Mu’utasim Ibrahim 

idan kuma katin waya ne zaki  iya tura wa ta wannan number 08149194919

sai ki turo da biyar ki ta  wannan number +966599791573

Taku har kullin *MAMAN NUSAIBA CE*

Wannan amsar duk sai kun niyo Mom Nusy..

Masu buk’atar littafin nan zaku Iya tuntub’a ta ta WhatsApp number nan + 966599791573

Zaki iya biyan kud’in ki ta wannan hanyar 

000 2482217 jaiz bank 

Mu’utasim Ibrahim 

idan kuma katin waya ne zaki iya tura wa ta wannan number 08149194919

sai ki turo shidar ki ta wannan number +966599791573