*KANO STATE..*
_*Doguwa Local goverment.*_
_AREA:Ririwai_
*SHIMFIDA..*
"A karamar Hukumar Doguwa Dake Jahar Kanon Dabo a Wata anguwa mai Dauke da Gidaje masu karamin karfi na Hango Wani Karamin Gida na Ginin kasa da Misalin karfe 3:30pm na Talatainin Dare da Hasken Fitila Daga Tsakar Gidan da alamu wani Abu na Faruwa agidan Har takai masu Gidan basu saka Hakarkarinsu a kasa ba Domin kwanciya ba,kila saboda wani yanayi ko Rashin Sukunin Danayi Hashashen Mazauna Gidan mai Dauke da Shashe Guda Biyu Da ke matsaikacin Gidan.
Wani Matashi ne Domin akallah zai kai Kimamin Shekara Talatin da Biyar a Duniya ayanayinsa Dogo ne Mai Cikar Ingarman Jiki Da kwanji Kallo Daya zakamai ka Fahimci ba Rago bane Domin akwai Tsantsan Jarumta irin ta Manoman kauye Tare Dashi Fari ne sai dai Wahala Irin ta Mazauna kauye yasa Kalarsa ta koma Duhuwa,wanda ya Sauya ya bada wani kala Dabam.
Safa da Marwa yake yi Kofar wani Daki Wanda yaji Filista da Shafan Farin Fenti Hannayensa Suna Goye a bayansa ne yadda yake Safa da marwan bakinsa na Motsi Alamun baya Cikin Natsuwa akwai Tashin Hankali Karara a Fuskarsa Da Hasken Jan Lantarkin Dake Bakin Kofar Dakin ya gama Gauraye Karamin Tsakar Gidan ya haskashi gabadaya.
Wata Yar Dattijuwa ce ta Yaye Labulen Dakin Ta Fito Lokaci Daya Tana gyara Haban Zaninta a kallah Ashekara bazata gaza 58 ba Sai dai kallo Daya zakayi mata kasan Tana da alaqan Jini mai karfin Tsakaninta da Matashin Dake Safa Da marwa abakin Kofar.
Yana ganin ta Fito Da Hanzari ya Isa Gareta yana Fadin"Innanmu..Innanmu..Ya ake Ciki..?
Ya Fada Cikin karaya da wani Fargaba wanda kallo Daya zakayi mai Kaga alamun Hakan ya Bayyana a saman Fuskarsa.
Inna Hasiya ta Sauke Numfashi Lokaci Daya Tana kallon Fuskar Dan"ta Habibu Daya Gauraye da Fargaba da Tsausayin Halin da mai Dakinsa Take Ciki Cikin son kwantar mai da Hankali Ta Rike Hannayensa Duka Biyu Tana Fadin"Har yanzu Bata Sauka ba Habibu..Ammh Tana kan gwiwa Insha Allahu yanzu Zata sauka Kadaina Damuwa Kaji ko..?
Cikin Karaya ya Girgiza kai yana Fadin"Innanmu Ko Zan Fita na samo Mota ne mu kaita nan General Hospital mugani..? Kai ta Girgizamai kafin ta samu Zarafin Mgana sukaji Numfashi mai karfi da Salati lokaci Daya Muryan Hajara ya Gauraye Gidan Inna Hasiya ta Saki Hannu Habibu Ta Fada Dakin Shima kamar ya Bita Haka yaji ammh Ba Dama sai ya koma ya Jingina Jikin Ginin Dakin yana Maimaita kalmar.
"Hasbunallahi wani"imal Wakeel.."
Haka ya Dinga maimaitawa a sarari Saboda Fargabansa da Tashin Hankalin Dayake ciki ya Ragu Cikin Ikon Allah kuwa sai yaji ya Fara samun Natsuwa Ya Hada Hannnuwansa duka biyun Ya Daga sama Yana Fadin"Ya Allah..Kai ne Ubangijin Sammai da kassai..Kai ne Ubangiji Duka Hallitun Duniya baka Haifa ba kuma Ba"a Haifeka ba ya Allah kafi kowa sanin Halin da Duka Bayinka suke ciki Kashewa da Rayawa Duka suna Hannuwanka ne,yau in ka Dauke Hajara Zan yi Takwalli Zuwa Gareka na kuma yi Godiya mai yawa ammh In ka Sauketa Lafiya Ita da Abunda ke Cikinta Zan kasance Cikin Farinciki kuma Zan Cigaba da Godema Ni"imarka Har na koma ga Gareka ya Allah.."
Ya Karishe Fada wasu Zafafan Hawaye suna Zubo masa Daidai Lokacin da wani Farin Dattijo mai Farin gashi ya Bude Wata Kofa Daga Gabas din Dakunan Guda Biyu Dake Barayin ya Fito Yana gyara Carbin Hannunsa Lokaci Daya Da Kwanon sha Cike Da Ruwa a Hannunsa yana Fadin"Ya ka nam Habibu..Maza zo ka mikama Hasiya Ruwan addu"an ta bata tasha Insha Allahu yanzu Zata sauka..!
Tsohon ya Fada Lokaci Daya yana Kallon Habibu,Da Sauri Habibun ya taho zuwa gareshi yasa ka Hannu Biyu ya karbi Kwanon Shan Ganin yadda Hannuwansa ke Rawa yasa Baba Jibo ya kurama Habibin Ido Lokaci Daya yana Fadin"Anya Habibu..? Habibu na ne Jarumin maza kuwa..? Yayan Maryama kuma Uba Gareta..?yau kaine naga Rudewa da Damuwa akan Fuskarka mai Cike da Zati da Hakuri..?
Habibi Daya Karbi Ruwan addu"an Yana Fadin"Na kasa Zama Jarumi ne Baba..Bana son wani Abu ya samu Hajara ko Abunda ke Cikinta.."Yafada kamar Zai saki kuka Baba Jibo Ya Dafa kan Habibi Lokaci Daya Yana Fadin"Kada ka Damu...Insha Allahu Hajara Zata Haihu Lafiya da yardan Allah.."Da Sauri yace"Allah yasa Baba.."Yafada yana Juyawa Baba Jibo ya Bisa da kallon Tsausayi Lokaci Daya ya kada kai ya juya ya koma Ciki Lokaci Daya yana gyara Zaman Rawanin Dake kansa.
Da Hanzari Habibu ya isa Kofar Dakin yana Fadin"Innanmu ga Ruwan Addu"a Baba yace ki Bata Tasha.."Daga Cikin Dakin ta amsa mai Sai gata ta Leko Ta karba Kallonta yayi yadda Duk Ta Hada Zufa yana Fadin"Innanmu ko Zan Fita na Buga Gidan Mallam Haruna ko Zai Bamu Mairo Tazo ta kama Miki..?
Kai ta Girgizamai Tana Fadin"Bari dai mu gani Habibu..Muna Fatan Komai ya zama Daidai.."Cikin Son Aro Jarumta ya gyada kai yace"Allah yasa Innanmu.."Daga Haka ta koma Ciki Shi kuma sai ya koma Gefe ya Durkusa kawai yana karantar Duka Addu"a Da Tazo Bakinsa Ko Minti Sha Biyar ba"ayi ba yaji Kukan Jariri ya Karade Gidan Gabadaya Lokaci Daya da Gudan da Inna Hasiya ta Saki.
Cikin Farinciki Habibu ya Mike bakinsa kamar zai yage Saboda Murna Hannu ya Daga sama Lokaci Daya yana Fadin"Alhamdulillah bi Ni"imatis salihat.."Bai gama Rufe baki ba Baba Jibo Shima Dake Ciki yana ta Jan Carbi yaji kukan Jikansa akaron Farko a Duniya ya Fito Jikinsa na Rawa yana Fadin"Habibu Hajara ta Sauka ko..? Kai masha Allah.."
Habibu Da Murna ta Hanashi Mgana ya isa ga Baba Jibo ya Rumgumesa yana Fadin"Ta sauka Baba..Naji kukan Abunda aka Haifa naji gudan Innanmu Baba.."Baba Jibo ya Murmusa Lokaci Daya yana Dafa Bayan Habibu yana Fadin"Sai ka Godema Allah da Ni"imar da yayi maka Habibu.."Dagosa yayi Bakinsa Har kunni Basu samu Zarafin mgana ba Inna Hasiya ta Fito da Sauri Bakinta kamar Zai yage.
Kafin ma ta isa Garesu Habibu ya Fara karisowa Garesu Tana Fadin"Masha Allah..Hajara ta Sauka na samu Sabon Megida..Ya nan mai kama da Habibuna kamar yayi kaki.."Habibu sai kawai yaji ya Rumgume Inna Hasiya yana Fadin"Allah na gode maka.."Su kansu Farincikinsu suke bakinsu yaki Rufuwa nasan wasu zasu yi mamakin ina alkunyar nan..? Habibu Da iyayansa Tamkar Abokan juna ne Duk Duniya bayan su da kanwarsa Maryama yana jin bashi da kowa sai su sune Abokan Shawaransa da Sirrinsa Gabadaya.
Inna Hasiya ta kalli Habibu Tana Fadin"Bari na saka Ruwan wankan da zan gyara su..Na yanke Cibiya kuma an yi Sa"a Mabiya Ta Biyo baya itama.."Baba Jibo yace"Alhamdulillah..Allah kara Lafiya Allah ya Raya Abunda aka Samu.."Dukkansu suka amsa da Ameen da Sauri Habibu yace"A"a Innanmu Ki koma Ciki wajenta..Bari na Dora Ruwan Zafin.."Inna Hasiya tace"Shikenan..Ka Dora Babbar Tukunyar nan ne.."Cikin Hanzari ya wuce karamin Madafin da aka ginashi da kasa yana Fadin"Toh Innanmu.."
Cikin Dakin ta koma Wajen Hajara Ta Cigaba da Goge Wajen daya Baci da Jini Mabiyan da Cibiyan Kuma ta Nannade su Cikin Wata bakar Leda,Yaron kuma Ta Namnadeshi Cikin wani Zani Ta Dorashi Gefen Hajara Dake kwance Tana Maida Numfashin Wahala.
Cikin kulawa Inna Hasiya ke Fadin"Sannu da Kokari Hajara..'Hajara ta Kauda kai ta kasa Hada ido da Inna Hasiyan Saboda kunya sanin Halinta yasa Innar Bata Damu ba ta Fice da Zanmuwan da suka Baci da Zani Tana Fadin"Kai sabon Megidana nawa Daga gani zai Taba Rigima.."
Tafada jin kukan Dayake yi Tayi Yana Inya..! Inya..Inya..! Koda ta Fita Har Habibu ya Hada Wuta da Itace ya Saka katuwar Gwarwa ya Cikata da Ruwa ya Dora,Daga ganin yadda yake aikin Zaka san ya Saba Da irin wadanan ayyukan Inna Hasiya na Fitowa da kayan Habibu yaki barinta Ta Wankesu Shi ya karba nan da nan Ya Dibi Ruwa Cikin Katon Bombin da shi ya Cikashi da yammah bayan ya Dawo Daga gona kamar yasa yau din Zata kasance Ranace ta Musamman awajensa.
Tsab ya wanke Zannuwan nan masu jini ya Shanya Lokacin Har Ruwan ya Tafasa Inna Hasiya Ta Diba tayi ma Yaron wanka ta Sanya mai kayam sanyi masu kyau wanda Maryama ta Siyo ta kawoma Hajara Cikin kayan Datake Tarawa ne na Haihuwanta Wanda har yau Allah bai Bata ba.
Shi kuma Baba Jibo Shi ya Karbi Cibiyar da Mabiyan Ya Haka Rami ya Binne su Duka acikin Gidan ta chan Baya ya maida kasa ya Dandade,Inna Hasiya na Gama gyara yaron ta Fito ma dasu Habibu Dashi wannan karon Sai Habibu yayi kara ya bar ma Baba Jibo ya Fara karban yaron Dake kama da Habibu sak Lokacin yana Jariri.
Inna Hasiya Daki ta koma Ta Kamo Hasiya zuwa Makewayin Dake Chan gefe Katange da Langa Langa Domin yimata wanka Habibu ya Bisu da kallo Kamar ya kamota ya Rumgumeta ya Jadaddamata Godiyarsa Baba Jibo Bakinsa yaki Rufuwa Fadi yake"Hajara Sannu Kinji ko..? Allah yayi Miki albarka.."
Bata samu Damar mgana ba,sai ma kanta Data Dinga Rufewa Domin Hajara mace ce mai kunya Da kawaici Sai da Suka Shige Makewayin kana Habibu ya Sauke Numfashi yana Leken yaron a Hannun Baba Jibo Shikuma Lura da hakan da yayi sai ya karisa addu"an Neman Tsarin Dayake ma yaron ya Mikama Habibu yana Fadin"Karbesa..Kayi masa addu"a ka kuma sakamai albarka Daga bakin ka mai albarka Habibu.."Hannunsa da Jikinsa na rawa ya karbeshi Lokaci Daya yana kuramai Ido Shima yaron kamar ya sani ya Bude Idanuwansa Tar yana kallon Habibu wanda Hawaye suka Cikama Kwarmin Ido.
Shekara Biyar sukayi da aure Shi da Hajara sai yau Allah ya basu Haihuwa sai dai ba wannan ne ya sakashi kuka ba yana Jin Raunin Dake Zuciyarsa Raunin Tunawa da Tilon kanwarsa ce Maryama Wacce ta Shafe Shekaru Goma da Aure Bata Taba ko Bari ba Kallesa yadda yake Farinciki Ya samu Karuwa yaya Zuciyar Maryama Take Ciki na Rashin Haihuwa..? rauninta me yawa ne ya sani Sai yaji Dama Dama Allah Ya bashi Zabi Tun Farko Da Zai ce ne Maryama Ta Haihu Taga kwanta aduniya ko da Shi Zai koma ga Allah bai Haihu ba Rauninsa bazai Bayyana ba Inhar Maryama Zatayi Farinciki kuma Zata Dauwama cikin Annurin Samun Haihuwa a Rayuwarta.
Cikin Siyasa ya Share Hawayensa Lokaci Daya ya Fara Tofamai addu"a Da Neman Tsari da albarka Duniya suna nan Tsaye Inna Hasiya ta Fito da Hajara Zuwa Daki Baba Jibo Ya Dauki Buta ya Shiga Makewayi zai kama Ruwa saboda an Fara Kiraye Kirayen Sallar Asuba a wasu massallatai,sai Habibu ya Bi bayansu Zuwa Dakin yana Shiga ya iske Har Inna Hasiya ta Turara Dakin da Turaran Kamshi Hajara na saka kaya Ganin ya Shigo sai ta Fita ta basu Waje Tace Zata je ta Dama ma Hajara kunu ta kuma Dumama mata Tuwo Taci.
Tana ganinsa ya Shigo Tayi Saurin Komawa Ta Zauna Daman kunzugu tayi ma kanta Saboda Tare Jinin Dake Zuba ajikinta,Kunya take ji sai Sunkuyar dakai take yi Bata son Hada ido Dashi Ganin haka yasa yayi Mirmishi ya isa gefenta ya Zauna Yana kallonta Cikin Taushin Murya yace"Hajara...!!
Cikin Sanyin Jiki Ta Dago kanta Tana kallonsa Mirmishi ya sakarmata yana Fadin"Sannu da kokari..Allah ya Biya Miki Bukatanki Nagode Yau sanadin ki zan amsa sunan Uba.."Kai ta kara Sunkuyarwa bata ce komai ba Sai ya kara Fadin"Ba ki ce Ameen ba Hajara..?
Kanta na kasa tana Tura kanta Cikin Lullubinta Tace"Na Fada acikin Raina.."Kai kawai ya Girgiza yana Tura Mata yaron Jikinta Lokaci Daya yana Fadin"Kinga Kyautar da Allah yayi mana ko...?
Kanta ta kara maidawa gefe Tana Fadin"Nagani.Allah ya rayamana shi.."Cikin Farincikin addu"an ta yace"Ameen Hajara..Ameen ya Allah."
Ta Fahimci acikin Jikinta kallonta yake yasa tace Cikin Sanyin murya"Ka Kira Adda Kuwa..?
Cikin Dafe kai yace"Kai..nayi Babban Mantuwa..Wlh ban Kira Maryama ba Bayan Kin Haihu..'
Inna Hasiya Dake Shigowa Dakin Tace"Hanzarta ka Kirata..Domin Nasan yanzu haka Tana chan hankalinta Tashe Tun bayan Kiran Dakayi mata ka Fadamata Hajara nakan Gwiwa.."
Cikin Sauri ya Mike yamikama Hajara yaron sai taki karba ta kauda kai Sai kawai ya Ijiyeshi Saman gado ya Fice Ya bar Inna Hasiya Tana Tsiyayama Hajara Kunun Kanwar Data Dama Mata acikin Katon Kofi Gefe Daya kuma ga Dumaman Tuwo Miyar kuka Tana Turiri.
Yana Fita ya Lalubo wayarsa Cikin Aljihun wandonsa wanda Tun Bayan da Ya kira Maryama da kansa ya Fadamata Abunda ke Faruwa bai kara bi Ta kan wayar ba Yana cirota ya Dannata sai ya iske Kiran Maryama har sau Uku Cikin Sauri yabi bayan Kiran Bugu Daya ana Biyu Ta Daga Tana Fadin"Yaya Habibu ina ta kiranka Baka Daga ba Hankalina ya Tashi Yaya Hajaran ta Sauka Lafiya kuwa..?
Cikin Mirmishi yace"Afuwan kanwata..Laifinane Wayar tana Aljihuna ban ji Kiranki ba..Hajara ta sauka an samu D"a Namiji Kanwata.."Yafada Cikin Farinciki Maryama Dake kan Darduma acikim kuryan Dakinta Bayan Ta idar da Raka"atulFajir,Domin Tun bayan Kiran da Habibu yayi mata Ya Fadamata Halin da Hajara take ciki bata koma Barci ba Alwala Tayi Ta zo ta Fara Salla Tana addu"an Allah ya Sauketa Lafiya Megidanta Sulaiman yana kwance yana ta Sharan Barcinsa Harda Minshari baisan Abunda yake Faruwa ba.
Cikin Farinciki Maryama Tace"Alhamdulillah..Yaya Barkanmu.Fatan Dukkansu suna Lafiya..? Yace"Lafiyansu kalau kanwata..Nasan baki koma barci ba Don Allah kada ki ce Zaki Taho Tun Safe Ki bari ki kwanta Ki Huta Kinji ko.?
Cikin Mirmishi Kaunar Dake Tsakaninta da Dan"uwanta Tace"Haba yaya Ace Yaya Hajara ta Sauka kuma sai Tun safe ban Taho ba..?kada damu kanka kayi mata barka kace ma Innanmu ta ijiyemin kunun kanwata Da Safe ina Tafe.."Bai da tace wa Sanin Ko yace kartayi Sammakon Zuwa sai Tazo Shiyasa yace mata"Shikenan kanwata sai kin zo..ki gaida Megidan naki.."
Daga haka suka yanke Kiran Maryama Ta Daga Hannu sama Tana kwaroroma Allah Godiya Cikin Zubar Hawaye,Sule mijinta Daya ji sheshhekan kukanta ya Farkar dashi ya Tashi ya Mitsike ido Cikim mamaki yake Fadin"Maryama Lafiya.?
Waiwayowa Tayi Tana Kallonsa kafin tace"Abun Farinciki ne..Yaya Hajara Matar Yaya Habibu ce ta Haihu an samu Da Namiji.."Tafada Cikin Farinciki Yana Daga kwance ya Tashi Zaune yana Fadin"ah ba Shakka..Kya yi Dariya..Allah ya Raya kema Allah ya baki naki Maryama.."Daya Fadi Haka sai kawai ta Murmusa kafin ta Mike Tana Fadin"Ka tashi an Fara Salla awasu masllatan fa.."
Daga Haka ta Tada Kabbaran Sallar,Da ido ya Bita dashi na Tsausayinta Allah ya sani yana son Maryama kuma Har yau har Gobe bai Taba Jin sonta ya Ragu Daga Zuciyarsa ba Rashin Haihuwanta Ba Daga ita bane Daga Allah ne,Ammh Goggo Tana Dora,komai kan Maryama Ganin ta matsamai ya kara Aure kuma Har sun Haihu da Zainabu Har ya"ya Biyu.
Yana Jin Muryan Goggon Tana Mgana da Zainabu Daga Tsakar Gidan Hakanan ya Mike Jikinsa a sanyaye ya saka Rigarsa ya Dauki Butan Da Maryama ta Cikamai Da Ruwa ya Fita Zuwa makewayi Goggo Bata Wajen Kila Ta idar da alwala ne ta Shigs Dakinta tayi sallah Zainabu kadai ya gani Tana alwala Gaisheshi Tayi ya amsa Sama sama ya Fada makewayi Tabisa da kallo Tana kunkuni Kasa kasa.
Shima Habibu suna gama Mgana da Maryama Ya Daura alwala suka Fita shi da Baba Jibo Zuwa massallaci Domin yin Sallar asuba koda suka je ba"a Tada Sallar ba sai suka koma Chan Baya suka Tada Raka"atulFajir Kafin Lokacin Sallah yayi suna Idarwa aka Tada Salla sai suka matsa Gaba suka Hada Sahu aka Tada Salla Dasu.
Kafin wayewar gari Haihuwan Hajara Matar Habibu ya gama Yada anguwa Har Gidan Iyayan Hajara Inno Domin Mahaifinta ya Rasu kuma Aminine ga Baba Jibo Baba Yahaya kenan ya Rasu Bayan Auran Hajara da Habibu Da Shekara Daya Abokiyar Zaman Inno Din Wacce suke Kira Ayyah ita tazo Da Safe ganin Sabon megida da kuma Taimaka ma Inna Hasiya da wasu ayyukan Kowa kagani Baki Har kunni Saboda Farinciki Makota sai Shigowa suke Barka Habibu kuma da Baba Jibo tun Safe suka Tafi Gona Dayake Tun kafin a Haifi Habibu Kowa yasan Sana"ar Baba Jibo Noma ce ammh Basu bar Gidan ba sai da Habibu ya Cika Duka ma zuban Ruwan gidan da Ruwa Saboda amfanin Masu Jego.
Wajen Karfe 9am na safe sai ga Maryama Ta iso Da kayan wanka Iri Iri Jakarta kuma Cike da kayan yara,Murna wajen Inna Hasiya ba mgana na ganin yarta Maryama Tare da Sule suka zo Shi ya kawota kan Mashin Karfe karfensa Dayake acikin Garin Maruka Take Aure Har Ciki ya shigo suka gaisa da su Inna Hasiya da Ayyah ya Shiga yayi ma Hajara Barka Ya Karbi Jaririn da Tunda Maryama Tazo Ta Daukesa Take kamkame dashi Yaji kamar yayi mata kwallah acikin Ranshi yana Rokon Allah ya Nuna ma Maryama Itama ta Haifi Danta Daga Cikinta.
Bai Dade ba ya barta nan ya tafi,Cikin kasuwar Doguwa Saboda anan yake da Shagon Sai da kayan Kwalliyan mata wato Costometic,Sai ya Tashi kasuwa da yammah Zai zo ya Dauketa su koma Gida.
Nan Maryama ta Wuni Har yammah Suna ta Hidima da Hajara da Jaririnta Sai Gabda mganriba kana suka Habibu Shigo Haduwar Yaya da kanwar wani Haduwane da kamar Zasu Hadiye Juna Daman hakan take kasancewa In dai suka Hadu kamar kada su Rabu Kuma ko yaushe ko Maryam Batazo nan Ririwai din ba Shi Habibun Koda yaushe yana Hanyan zuwa Maruka ganin Maryama din.
Sai da sukayi Sallar mangariba suka Dawo Inna Hasiya ta kaima Baba Jibo Abincinsa Dakinta Shi kuma Habibu Maryama Ta kawomai nan Dakin Hajara Ayya kuma ta Wuce Gida sai da Safe zata Dawo.
Umartanta Yayi data wanko Hannuwanta Tazosuci Tuwon Tare,Tashi Tayi taje ta wanke Hannuwanta Tazo Suna cin Tuwon suna Hira Sama sama,Hajara na gefe Tana kallonsu Abun nasu Sha"awa yake bata Tana ji Dama itama Tana da yaya mai kula da ita kamar yadda Habibu ke kula da Maryama..? Sai wata Zuciyar tace mata Ki Godema Allah Hajara Habibu ba iya Miji bane gareki Ya Shanye Miki Kuma ya kare Miki Duka Kishiruwan uba da yaya agareta yana Bata kulawa Daidai gwargwado.
Sai da suka gama Cin Tuwon Maryama ta kwashe komai takai Madafi kana ta Dawo Dakin Ta Dauko Jaririn Ta Mikamai Tana Fadin"Yaya kasan yaron nan Dakai yake kama..? Kayi ma yaya Hajara wayau..!
Yana Dariya ya karbesa yana Fadin"Kece kikayi mata wayau..Domin dake yake kama ke Hajara tayi ma Haihuwa kanwata.."Tana Zama agefensa Bakinta yaki Rufuwa tace"Da gaske Ni aka Haifama wannan yaron..? Cikin Tsausayinta yace"Tabbas..Shiyasa ma kece zaki Zabamai sunan da zamu sakamai kanwata..!
Hawaye suka kawo Idanuwanta Tayi Saurin Maida su Tana gyada kai kafin tace"A kullum Ina ganin nayi ma Sauran kanne Zarra wajen samun yaya kamar ka...Bantaba ganin mutum mai kyakyawan Zuciya ba irinka ba Yaya na Rasa da wani kalma zan Gode maka.."
Yaron ya Mika mata ta karba Yana Fadin"Karbi D'nki ki Zabi sunan da zamu Dinga Kiransa.."
Sai da Ta bata Lokaci Tana kallonsa kana Ta Dago Tana kallon Habibu da Hajara da suka Zuba mata ido Cikin Zubowar kwalla tace" MASTUR...! Mastur nake so a sakamai Yaya.."
Ko Gaddama bai yi mata ba ya gyada kai yana Fadin"Allah ya Raya Mastur Da"n Maryama Gobe da Safe Baba zai Mai Huduba da Mastur.."Farinciki ya kamata ta Hada da yaron da Ya Habibu taa Rumgume Habibun Shi kuma yana Lallashinta Dagowa Tayi Tana kallon Hajara Tana Fadin"Yaya Hajara baki ce komai ba..?
Mirmishi tayi kafin tace"Me zan ce Adda..? Gaskiyasa ne Haihuwan taki ce..Allah ya Raya Mastur.."Atare suka amsa da Ameen suna Mirmishi Har Inna Hasiya ta Dawo nan Maryama Take gayamata itama tace Allah ya Raya Mastur suna nan zaune sai ga Sule yazo Daukanta ya shigo suka gaisa da Su Baba da Yaya Habibun,Nan Maryama sai da Tagayamai ita ta sakama Danta Suna,sai murna take Dukkansu sun ji Dadin ganinta Cikin Farimciki Dukkansu.
Dakyar Maryama Ta ijiye Mastur Tabi Sule Zuwa Gida Har Waje Habibu ya Rakata Yana Ta Faman Allah ya Kiyaye Hanya da Sakon in sun isa gida Lafiya ta Kirashi a waya ta gayamai ta Hau Mashin din Mijinta Tana Fadin.
"Toh Yaya in mun isa zan Kira ka Insha Allahu.."
_Hmm...Salon na Musammanne..Tafiyar akwai Nisan Zango Yanzu muke Cikin Shimfidan Labarin bamu ma Shiga Cikin Mafarin ba.._
DOWNLOAD COMPLETE BELOW ⬇️
