TAFEESU HAUSA NOVEL

D* a misalin qarfe h’udu da mintuna arba’in da hud’u ne a lokacin,wanda hakan yayi daidai da yanayin garin yana son zubo da ruwan sama sakamakon wata sansanyar iskar ruwa dake kad’awa a lokacin,dan kuwa har inka saurara ma sosai kana shaqar iskar hadarin yanda ya kamata zaka fahimci cewar ruwan yama rigaya da fara sauka a wani wajen dake cikin garin na Kaduna, sakamakon iskar danshin lema dake cigaba da sauqowa tana ratsa jikin al’umma.
sai data gama d’aura diamond golden brown d’in siririyan agogon hannunta saman kwantacciyar lallausan fara tass tass d’in fatar ta mai santsin laushin gaske, gamida yabanyar siraran baqaqen gashi wuluk akan fatar tata wanda sune suka kai har a wajen dogayen yatsun ta ya zuwa d’an qasa haka, ga kuma jerarrun akaifunta da suka sha remix din jan lalle da baqin lalle sai sheqi sukeyi gwanin burgewa.
rolling d’in kanta tayi da wani farin gyalen doguwar rigarta zubin Abraham kalar ja da fari, sannan ta juya fararen qarrr d’in idanunta da suka sha kajol wanda hakan ne yasa suka qara fallasa tsantsar asirin kyaun idanun nata gamida qara haskaka round baby face d’inta.
dubansu take uwa a gajiye da kalar sanyayyun idanun nan nata sannan tace cikin wata kalar sanyayyar murya tata “haba sisters kuyi sauri man muje gidan aunty zarah koma dawo da wuri kan lokaci ya qure mana, ina gudun kadafa har momy ta dawo bamu fita ba, kusan zatayi fad’a ne duba ga yanayin garin ga hadari, sanin kanku ne battason muna kai dare a waje fa kuma, gashi kuma kun tsaya Kuna ta wani faman fante fante a fuska,,,, ta d’an saki tsoki”mtss please ku rage fa yin make up din nan haka, komai in simply yafi ay, dan in bakuyi wasa ba wannan make up d’in da kuke over a fuskokinku zaya ma iya jawo muku pimples a fuska kuyi ta fama kuwa dasu in bakuyi wasa ba”
tana mgnr ne tana yamitsa fuska tareda sake kallon agogon hannunta taga 4:54 pm.
meenat data gama kutsa wani matsattsen sikert a q’ugunta dan har tana had’awa da tsalle wajen shigarsa tsabar kamata da kayan sukai tsam tsam.
bayan zura d’amamiyar rigar jikanta datai ta dauki kallabin lace d’in tana azawa saman kanta ta d’aura Snn ta dago ta dubeta tace
“to, tam, kefa wlh kuwa neemrat din nan gskia kin fiye uzzurawa mutane wlh, kibari muyi kwalliyan mu hankali kwance shine kike mana tsiwataccen suruntun naki da kika saba, dan kinga ke kyaunki yaji tako’ina mu shine kike matsanta mana kina son hana mana qara fuddo namu kyaun da make up ma kuma?”
taqarashe maganar tana
wurga mata harara bayan sa6ar jikkarta datayi ta goya a bayanta iriyar ta manya ‘yan mata ta gayun nan, kuma new modern a saman light blue d’in after dress d’in data zura a jikinta yanzun shima.
sumy datake durqushe tana d’aura igiyar takalminta tace”hmnn sis meenat ay Kema ke bata amsa dilla can malama rabu da ita, badai sai taita mitar tata ba, dan kinji ma na rantse Allah kuwa bazan fita a ujilance ba sai nayi kwalliyana hankali kwance, mumunar masifaffiya kawai😏”
kallonsu kawai ita kuwa neemrat takeyi batareda data qara ce musu komai ba, saima neman wajen zama tafarayi gefen bed d’in dakin nasu dan ta sare da tsayuwar, sam batada jimirin tsayuwar ‘yan lokutta, tana zama ta zura wani siririn light red d’in glass dinta mai qara qarfin ido sosai a fuskarta wanda daman yana riqe a hannunta, sannan ta jawo wani handout na school dinsu tana dubawa.
dariya sumy kawai tayi snn ta miqe tsaye tana fad’in “muskilancin ne knn ya motso kuma yanzun har bani da amsa ma ko?, hmnn wlh kuwa neemrat harma nakan kasa gane ma halayenki, dan yanzun nan za’aji mgnr ki rad’am kuma yanzun za’a iya jinki d’ud’uf uwa anyi walqiya an dauke”
duban sumy d’in meenat tayi tace “hmn jia a school wai kinsan sunan da lecture mr garba ya liqa mata ma kuwa sister sumy?, kama ha6a sumy tayi sannan tace
“ay kin san banda lecture a jian shiyasa ban shiga school d’in ba saima library da na shiga nan gida nai karatu, amman fad’an dai wane sunan ya liqa mata shima uban shisshigin ga dud wacce ya matowa, abin takaici shi gashida da ‘ya’ ya manya ‘yan mata har biyu a school d’in nan amman ko tsufan sa ma bai gani shi wlh, sai ma mugun jarabar son had’addun mata waishi nan har tunqaho yake bashi ba kula mummunan mace alhalin shi baiga fuskarsa ba uwa Alkubus dud cin zanzana a kanta, ga wani tulelen ciki uwa mai ciki d’an nine months”
sosai dariya meenat ta sake kwashewa dashi ganin wata harara datake samu daga ta wutsiyar gefen idanun neemrat ,na iskancin da suke mata,
cikin dariya meenat tace “sister sumy sosai kuma wlh sunan yayi masifar hawa da’ita wanda kuwa all of you na ‘yan class d’in maza da mata suka fara kiran ta dashi time a nan take.”
gwalo idanuwa sumy tayo waje ta qara Kai duban ta ga neemrat data ajiye handout d’in hannunta ta miqe tai shigewarta toilet snn ne sumy d’in tajuyo da dubanta ga meenat tace “please wanne suna ne haka fad’amun in jisa, dan na qosa naji sa wlh sister meenat.”
saida meenat ta zauna Inda neemrat ta tashi sannan ta d’aura qafa d’aya kan d’aya tace “hmnn na gaya miki fa sister bayan ya gama mana lecture ne nan take ya babu test, kuma mai zafi ce wlh sister na fada miki ba sauqi, kinsan sa mugu ne a wajen test ko Assighnment babu sauqi, dan abunda yayi explain kanshi ba shine yafiya tambaya akai ba a test dinsa yasan Juya masa meanings yace a kawo masa wasu daban, to Allah kuwa kowa haka yaita cizon biro kuma gashi ya kasa ya tsare fa in gaya miki yanata faman round a hall d’in nan, kai yasalam baida sauqi lecture garba d’in nan wlh kuwa indai Akan gwajin abinda yake koyarwa ne ga d’alubansa, kuma kinsan fa abokin dady ne amman maqetacin mutumin nan yai mana fuskar shanu alamun nafsi nafsi ake lokacin,
a haka dai har time d’in daya dibar mana ya cika, da kansa yai submitting papers namu ya koma mazaunin sa ya zauna gaba kowa na faduwa dan cewa yai dud wanda baiyi daidai ba zai rage masa maki a exam dinsa in tazo wanda kuma yaci zai basa mark sama dana exam dinsa.
haka hall d’in yayi tsit fa sama da minti 30 snn ya dauko wata paper 📄 a hannunsa cikin wad’anda ya gama gyarawa yace “TAFEE SU Muhammad ta fito”
to nan fa aka hau kallon juna a wajen, dan iya saninmu kaf matan wajen babu wata mai suna TAFEE SU.
koda ta fita bakiji yanda ya dinga yabanta mata akan wacce tafi kowa qwazon kawo mafi yawan mark a cikin hall d’in ba, har yake cewa ya lura koda group discussion ne za’ayi to muddin harda ita a ciki to baza’a samu wani problem ba a group din ,shine mafa yayi mata kyautar handout d’in nan da kikaga tana dubawa yanzun, kuma handout d’in bako’ina ake samun kalar darussan d’in da yake koyar mana ba, koda ya fita haka su kabeer usman da lawal isma’il dasauran abokansu sukaita ihu, fadi suke “sai tafeesu, tabbas Mr garba baiyi qarya ba anan dan kota ina neemrat kin d’ara kowa ce mace a class dinan fa dole ki amsa sunan tafisu kuwa, to kinsan mutuniyar taki bawai hayaniya take da ba inba taso ba, ko mgn inba sa kanta tayi ba bawai yi take ba kin sani kuma, gashi time d’in kuma daman babu sauran wani lecture a gabanmu haka muka fito ko ma bita kansu batai ba, sauran ‘yan matan kuwa na class dinmu sai faman qunci suke akan wanne iriyar brain ne Allah ya bawa Neemrat haka, ba’adu bayan haka babu ta’ Inda Allah ya rageta a sura uwa ita tayi kanta ne suke fad’e, shiyasa wasu daga cikin d’aliban ke mata kallon wacce tafi qarfin wai kula kowa, dan taga Allah ya had’a mata komi a cewarsu dai, muda muka san wannan habitat d’in nata na miskilanci natural dinta ne ai kinga mun saba mu da hakan, kai gskia na yarda dan kuwa dud gidan nan mune aka turawa muni sister, dan Allah kuwa daga tsohon mugu (yayansu aliyu haidar knn take nufi mai muqamin captain ata fannin aikin sojan qasa) sai ita Neemrat din sune sukafi kowa kyau a gidan nan”sumy tace “wlh kuwa sister gskia ne, ni har kin tunamun dashi ma dan wlh na mnta dama wani yazo gari a jia, wlh muyi sauri muma bar gidan nan dan kinsan qiriqiri maqetacin zai datse mana hanyar fitar nan dan bawai imani ya ishesa ba” meenat tace “bare yanda momy da dady ma bassa nan wlh nasan da mun masa laifi komin qanqantarsa samun mu zaiyi kan sari yaita azabtar damu yana gigitamu” zumbur kuwa sukai suka miqe tsaye kusan tare, cikin d’an saurin rawar murya sumy tace “kai soja ba imani wlh Sam2, nikam koda lada auren soja bazan iyaba saidai ciwon son sa ya kaini kushewa ta wlh ,in son nasa ma ya girmaman a zuciya ta, to bare ma Inda Allah ya temakeni ya tarfawa gari na nono my sunshine dina ba soja bane saidai abokin sojan ne kinga kuwa da sauqi sauqi ciwon Arne wai,saida taja numfashi snn taci gaba da fadin”ke jia fa in sake gaya miki kwarankwatsi 1000 daga zuwan sa saida ya bani tsarabar mari kan ya kirani na miqo masa wannan muggan takalman nasu da suke qaqabawa har wajen gwiwa , kuma sis wlh banjima kiran nasa ba, Inda ina falo nida momy ina mata kitso lokacin ke kuma kun fita keda Neemrat gidan baba hafsatu kai Aiken momyn datai muku can, hmnn nidai wlh ban taba ganin soja marar imani ko qanqani ba kamar tsohon mugu yah haidar ba, da ace momy bata nan da bansan wata kalar uqubar zan qara sha a hannunsa ba wlh baccin dayaga tana a wajen”
meenat tace “tabb ke sai yanzun ma kika lura da hakan ma rashin tausan nasa knn? cafff to albishirinki aini kiji in gaya miki wlh tuni na kiyayeshi yau wata hud’u knn, tunda yasa qafa ya sharceni qasa a gaban abokinsa nasir d’ina kan na shigo masu dakin sa ban nemi excuse ba,kuma wlh nayi sallama ma a lokacin, kawai dai allurar muguntarsa ce ta motso masa a lokacin inaga harta ritsa dani, danshi nema fa ya bugowa momy waya yace tasa a kawo masu abincin danaje kai musu lokacin, kuma fa kinsan yasan nasir na sona amman ya qunsamun wannan kunyar wanda harna qwammace inama faffala mun zafafan marukan nan nasa yayi da wannan mummunan kunyar daya haifar mun daya fiyemun sauqi Allah kuwa, wlh sis sumy haka na daure cikin kunya na miqe na kakka6e kunyar da sauri sauri na baro side d’in nasa, tun daga lokacin kuwa dazarar naga yazo weekend gida Nike kaffa kaffa da abinda ka had’a ni dashi, danko ta Inda yake ban sonma gittawa bare ma har tsautsayi yasa nayi abu kad’an wanda jikina zai gayamun”
meenat na qoqarin sake mgn knn sukaga munaya ta fito daga toilet d’in tana tsane ruwan fuskarta da hankicerp dinta, dubansa meenat tayi tace” a’a kaji manya, tafeesu yanaga kin wanke ‘yar fowder din da kika murza a fuskar taki kuma?”
ajiye hankicerp d’in tayi snn ta dubi meenat tace “banda buqata ne, nifa in bazaku tafi ba ni nayi gaba inyaso kwa taddoni”
sumy tace “wazaki bari anan???!, rufa mana asiri, ai ma kumuyi sauri mubar gidan nan lami lafiya kamin wannan d’an hana ruwa gudun yah haideer ya dawo gidan yayi cancelling fitar nan tamu ma gaba dayan ta, dan nasan yanzun dud Inda yake yanzun kya gansa ya dawo cin abincin a q’aidarsa d’an qa’idar”
tuni tafeesun ta d’aure fuskarta gamm, ranta na mata zafi dan ko kad’an ta tsani jin zance ya aliyu haideer a bakin wani bare ma ta furtasa a cikin nata bakin uwa uba knn.
dudda tasan yayan tane uwa d’aya uba d’aya amman ta tsani halayyarsa ta cutarwa garesu wanda hakan ne ya d’arsa mata jin qinsa kwata kwata a ranta, dudda tasan itama d’in bawai kulatan yake ba,dan ita sun
mafi samun rashin jituwa tsakanin ta dashi akan meenat da sumy da qaramin matashin saurayin qanensu nura dan 17 yrs Usman wanda suke kiransa da guy, dan zata iya cewa idan muguntarsa ta motsa sai tafi kowa shan azaba a hannunsa cikin gidan, shiyasa some times inya samu lokaci yazo gida harya gama weekend dinsa ya koma bata yarda su had’u ko kad’an kuwa.
haka taja wani 6oyayyen siririn tsoki a ranta sannan suka fito harabar gidan gaba dayansu suka shiga mota d’aya, tafeesun ce ke driving dinsu yau, juya kan motor tayi bayan tayi mata key suna qoqarin barin gate d’in gidan sukaci Karo da motor ya haideer wacce take kalar kakin army a jikinta gaba d’aya, ta danno kai gidan bayan bude masa gate da baba maigadi ya gamayi, runtse idanuwanta tafeesu tayi gamm zuciyar ta na mata zafi dan tasan fitarsu kam sai Allah yau,
su meenat kuwa cewa suke “mun shiga ukku, shikenan tsohon mugu ya danno zaman gida kam ya gammu tilas”!!!
jin wani mummunan hon da yake sakar musu ne hakan tasa dole tayi saurin yin rebus da motar tasu , tayi baya dasu yayinda shi kuma ya ida sako hancin motar sa yabiyo tasu a guje,
kusan ma a lokaci d’aya ita dashi suka kashe motocin nasu,
cikin su babu wacce tayi yunqurin futowa daga motar dan yanda ya qure wa motar tasu sarari yasata lokon hnyar garden ta yanda bazasu iya bude murfin motar tasu ba barema harsu samu daman futowa ciki ba, shine ya fara futowa ta dayan bangaren nacan gefe, kaida ganinsa kaga tsayayyen namiji kyakkyawan gske naqin qarawa mai saka ‘yan mata qugi da kukan so gare sa, sosai uniform d’in dake jikinsa na kaki suka qara qawata zatin tsarinsa, babu yanda za’ayi ka kallesa sau d’aya kace zaka kauda idaniyarka daga kansa batareda ka maimaita waiwayen sake son kallonsa ba har sau ba adadi ma kuwa,kota’ ina a tsarin halittarsa yafi kama da zubin larabawa sosai matuqa haka zubinsa ya nuna,
sai dai kashhhh!!!! yanda za kaga fuskarsa koda yaushe take curmud’e a cure dunqule waje daya hakan bai kashe kaso 99 cikin kyawun da Allah yai masa ba 💯ba,
sosai ma annurin kyaunsa ke qara bayyana koda yana cikin halin d’aurewa bare uwa uba ace yana halin sakewar fuska wanda sakewar fuska abune mai matuqar wuya kuwa su gansa wajensa muddin suka had’u dashi.
da qarfi ya rufe murfin motar tasa ji kake garammmm!!! wanda nan take ya nufo motar tasu hannunsa riq’e da ‘yar saman falmarar kakin jikinsa yayinda ‘yar ta cikin rigar ta kamasa gamm wanda ta bayyana cura curan murdaddun damatsan jikinsa na qaqqarfan namijin gske.
dama da haunin aljihunsa bindigogi ne guda biyu
kuma a haka ne yaci gaba da tunkarosu,
daga meenat har sumy babu wacce ‘ya’yan cikinta basu kad’a ba tsabar tsoro daya tsargasu, nan da nan kuwa ganin ya durfafosu cikin qaqqarfan takunsa uwa zaibi iska ya tashi sama, sake runtse idanun ta tafeesu tayi gamm gabanta na racing q’irjinta kuma suna sama da qasa har batasan sanda ta ida sulalewa ba jikin kujerar motar da bayan ta ke jingine akai ba.
gaban motor yaja ya tsaya tareda sake murtuqe fuskarsa babu alamun sassauci cikinta ko kurkusa.
“gidan uwar wa zaku? abinda ya tambayesu knn cikin wata kakkausar murya mai gigitarwa wanda nan take suka curkud’e waje d’aya tareda qamqame junansu jikinsu na 6ari da ciri.
oya quick ,,, out out,,, ku fito kona sa qafa na fasa glass d’in motar na fiddoku na karairayaku na zubar da qasuduwanku nan qasa, banzaye kawai marassa hankali da nutsuwa ba abinda kuka ajiye sai yawace yawacen banza ko? to badai nazo ba, ina mai tabbatar muku dud munafukar data kuskura naga qafarta yasake qoqarin futowa daidai da bakin gate wlh saina karya mata qafa sai naga ta baqin yawo ‘yan iskan yara kawai mumu (munafukai) zaku fito koko?”! ya sake daka musu tsawa da fadin hakan.
cikin wani sabon firgici suke hada baki wajen furta “yah haideer…. ay,,,,,,,ay….kkkkk…
ka datse hanyar fitowan kuma babu yanda za’a yi mufito a hakan ne…..,,,,, cikin dukan gaban motar dayai da qarfi harsaida suka saki qara musamman tafeesu dataji masassara na shirin saukar mata a lokacin,,
“dan ubanku kufuto ta but da tsallen kwad’o tun kamin na qara muku mgn,harni zaku cewa ba hnya?”.
yaqarashe mgnr tareda gewaye wa ya bude musu bayan but d’in.
haba kan kace mi tuni suka fara rige rigen futowa jiki na rawa, sun riga tafeesu futowa dan sunfita kuzari ma ita, ganin sun ja sun tsaya ne yasa ya juyo kansu ya yi musu wani mummunan kallon tsayuwar MI suke masa wanda hakan yasa har saida suka sake zabura suka matsa daga gabansa, cikin dauriya da rawar baki meenat tace “ya…. yah haidaeer tafeesu muke jira ta fito…. dudda ya fahimci Neemrat take kira da tafeesun yanayin yarda take mgnr tana nunata da yatsanta mai karkarwar tsoro, amman kamin ta ida mgnr ne da qarfi yasa qafa zaiyi football da ‘ita, Allah ya temaka ta kauce a guje suka bar wajen itada sumy suka shige falon gidan suna faman haki da shessheqa, numfashinsu na musu seizing.
yana juyowa dai dai lokacin ita kuma tafeesun na futowa daga but d’in motor itama, gaba d’aya ta tsure dan sosai masassara ta kamata,gaba daya jikinta ya dauki gumin zafi sosai,dmn hkn ke faruwa da ita muddin ta tsorata da abu tofa dole sai masassara ta sawo Kai a jikinta nan take kuwa.
kallon juna suka tsaya yi ita dashi ido cikin ido a mugun tsanance uwa zasu cinye juna sukeji tsabar qin jinin junansu da sukeyi.
sosai ya qara fusata da kallon daya lura tana masa na yanda yaga uwa tana hararsa.
“kinsan da sanin cewa na tsaneki akan sauran yaran gidan nan kuwa?”
bansan miyasa na tsaneki fiye dasu ba, tabbas najima da tabbatarwa tsanarki a cikin jini na yake” kallonta yake sosai ganin ta kauda fuskarta gefe ta fara taku tana qoqarin barin wajen, cigaba yayi da kallonta yana cije le6e wani dogon lokaci daya shud’e yaji yanemi dawo masa a cikin qwalwarsa wanda abin yake matuqar sirri ne tsakanin sa shi da iyayensu, kaf ‘ya’ yan gidan babu wanda yasan da hakan face shi.
saidai me? dud sanda ya ganta abin na fad’o masa, dan haka cikin taku qaqqarfa guda d’aya yasha gabanta ya dunga aika mata da wani mugun kalar cumurmudad’den kallo uwa yaga kashi da amai a cumurmud’e waje d’aya, katsam yaji mgnr da yayiwa iyayensa alqawali na babu wanda zaijita zuruf wani shashinta ya fito daga cikin bakinsa yace “nace wai mima zai hana kije ki gano iyayenki na usuli kibar mana namu iyayen da tunanin suna riqon tsintacciyar mage har zuwa yanzun?”!. dammmmmmmmmm!!! dummmm!
dammmmm!!!! haka taji mgnr tasa ta shigeta uwa a mafarki, miyake nufi da fadan haka ne? koko yana nufi da hakan shin? ynzun tsanar dayai mata har takai ya iya shegantata alhalin tana jininsa qanwa kuma a garesa?,,, kallon da yaga tana masa ne na tantama a zancen nasa yasashi tab’e lips dinsa yace “ke har kin isa nai miki qarya, baki isa nai miki qarya ba, kije kawai ki nemo iyayenki adud Inda suke cikin duniyar nan shine rufin asirinki” sosai taji nunfashinta yafara hard’ewa dan kuwa tabbas tasan baya qarya adud mgnrsa komi ya fad’a gaskiya ne, tun sanin datai masa kuwa a yarintarta ta tashinta a gidan bai mgn biyu da sigar qarya.
dasauri ta durqushe wajen sakamon wata kalar juya data dungaji a tsakar kanta tana shirin kayar da’ita qasa, jitayi hawayen ma sun kasa fitowa a idanunta sai faman numfashi datake saki, gaba d’aya qwalwarta ta cunkushe da tunanin miyasa bata taba gano momy da dady ba asalin iyayenta bane? miyasa koda wasa basu taba nuna mata wani banbanci ba a tsakanin yaransu dasuka haifa da ‘ita ‘yar karere? runtse idanunta tayi sosai sadda taji ya qara matsowa gabanta sosai yaja ya tsaya tareda soka hannuwansa a aljuhun kakinsa bayan hard’e qafafunsa dayai cikin na juna snn yace “naji yaran can na kiranki da wani suna wai tafeesu ko? wani wawan tsoki yaja tareda motse fuska yace I think kin fi marassa asali asali ne shiyasa aka baki wannan sunan ko?”
daga haka bai sake cewa komai ba ya juya da nufin yabar wajen, aiko da wani masifar gudu ta tashi tasha gabansa tana wani mahaukacin kuka gamida riqe qafafunsa gadaqam ta zube wajen fadi take “su waye iyayena
yah haideer ? ka taimakeni ka fad’a mun su, wlh nai maka alqawali yau zanbar muku ahalinku na koma namu komin talaucinsu kuwa dan abin duniya bashine gaba naba kmr yanda ka zata”
mgnr take tana qara sakin gurshesshen kuka na fita hayyaci, qafa yasa ya tureta ta zube wajen, shiko ya tsallaketa yana sake aika mata da wani qyamatacen kallo yace
”kull d’inki,,, kada ki kuskura har qazamun jikinki marar asali ya sake shiga nawa jikin mai usuli, kuma batun neman iyayenki kije kibi rariya ta duniya may be kya tsuntosu acan kamar yanda aka tsintoki kema acan OK?”
yana gama fadar hakan yabar wajen yayi shigewarsa side dinsa, da wani mummunan gudu ta tashi tabar wajen dan kwata kwata bata hankalinta, dakinsu ta shiga su meena na ganin ta a haukace sukai zumbur suka tareta suna tambayar lpia? dansu a zaton su dukanta yah haideer yayi.
kota kansu bata biba ta dauko jikkar ta qarama ta juya tabar bedroom d’in nasu da wani mugun sauri.
da gudu suma kuwa suka biyota har wajen harabar gidan ganin yanda take kuka mai cin rai tana niyyar fita a gidan,, riqeta sukai tana son kwacewa amman ta kasa, dai dai nan momy ta shigo da motarta harabar gidan, hango abinda ke faruwa ne ya sata saurin kashe motar ta fito ta iso wajen wanda Neemrat na ganinta tayi kanta da gudu ta rungumeta gamm, jikinta na tsuma take cewa “momy su waye iyayena? ku temakeni ku kaini wajen su, inaji a jikina uwa zan mutu ne muddin bansan asali na ba a yau momy!, momy ki kaini wajen su na roqeki…… mgnr tata ta tsaya cakkk sakamon numfashinta daya tsaya cakk ta sulale wajen ta ida zubewa a jikin momyn datai mutuwar tsaye itama, dan gaba dayan jijiyoyin jikinta sun saki jininta ya daskare yadaina kaikawo na wucin gadi, tanajin mamakin abin kmr almara, na tunanin ina Neemrat tasan wannan tsohon sirrin nasu daya shud’e sama da shekaru 20 cif cif????!! “”
ihun kukan su meenat ne ya saka momy dawowa cikin hayyacinta babu shiri kuwa, yayinda sumy ta zube gaban tafeesu dako motsi batayi bare numfashi, tana cigaba da kuka take fadin “wayyo Allah na mommy mun shiga 3,wlh munsan tsoron yah haideer ne ya sata cikin wnn halin wlh,dan lpia lau muke tareda ita ynz, zamu fita shine ya hargitsamu, tareda koramu, dan Allah sister ki tashi kada ki mutu ki barmu ki tashi dan Allah mu muna sonki koyaya kika zamo a cikin mu kuwa mun yarda mun amince ked’in ‘yar uwa kike garemu ba zamu tab’a Iya canzaki ba a rayuwa ,,,, kitashi please, meenat zoki mata mgn kota tashi tunda ni taqi jin tawa dan Allah, mgnr tk dud ta rude ta gigice yayinda meenat ta zube kusa da sumy tana karkarwa hawayen tausayin tafeesu na sake zubowa a idanunta,gaba daya sukaga mommy ta dauketa cikin hannuwanta ta nufi falon gidan tana fadin “maza ku samomin ruwa yanzun nan” haka ko suka miqe suka rufa mata baya cikin falon gidan nasu,
saidai kusan minti biyar da shafawa tafeesun ruwa a fuska da mommy tai amman ko kadan bata motsa ba, zuwa lokacin hankalin mommy ba qaramin qara tashi yai ba musamman da taga Yanda tafeesun take uwa marar rai a jikinta,da sauri mommy ta dubi meenat tace “maza kije ki kiramun haideer din yanzun nan”
da gudu meenat kuwa tayi side dinsa Kamar zata kifa qasa. tana barin wajen knn saiga aunty mamy ta shigo wajen(mai musu Aikin gidance,amman yazuwa yanzun su meenat basi mata kallon mai aiki sai babbar yayarsu kuma abokiyar shawararsu,suyi wasa suyi dariya tabasu shawara suma kuma su bata, baqaramim shaquwa ke tsakanin suba kuwa kam gaskiya,kowa yasan da hk a gidan kuwa, dan aunty mamy wayayyar macece ga dadin zama.)
tana ida shigowa falon hannunta riqe da dustbin wanda ta zubdo shara a can bayan gidan nantaga mike faruwa a falon Itama, musamman dataga sumy na kuka shabe shabe momy kuma nata share zufa tana cigaba da sake shafawa tafeesu ruwa a fuska Wacce ke kwance plat a cinyar momyn ba motsi wanda hakan ne ya tabbatar mata da sanin cewa ba qaramin Al’amari ne yake faruwa a wajen ba,,,,,,,tuni kuwa taji zuciyarta tabada wani iriyar mummunan sautin duka dammm!!! 5,uwa an rufe mata baki takeji takasa tambyr komi ma,
kamin ma tai tunanin cewa wani abu kuwa saiga meenat ta dawo da azama tana fadin “wan…wanka yake mommy,, mommy batace komi ba tasake daukar tafeesu a hannunta tana fadin “to maza kumuje ku bude min Mota a waje kuyi driving namu zuwa asibiti dadynku ,kuyi Saurin dan Allah fa” gaba dayansu kuwa suka biyota harda aunty mamy kuwa wnn Karon dahar lokacin jikinta bai daina amsawa ba kwata kwata kuwa,
dan ita kadai tasan me takejin gameda halinda taga tafeesu a ciki,
a lokacin har tanajin inama Itace ke cikin halinda tafeesu take ciki da abin yafi zo mata da sauqi akan taga tafeesu a haka…..

DOWNLOAD COMPLETE BELOW ⬇️