UMM ADIYYAH CHAPTER 69 BY AZIZA IDRIS GOMBE

UMM ADIYYAH CHAPTER 69 BY AZIZA IDRIS GOMBE

Www.bankinhausanovels.com.ng 

Mun tsaya 

Shiru ya yi yana kallonta, bayan ya koma cikin

kujerar ya zauna da kyau, “Uhh!

Zubaida ta ce min ki na zuwa ganin Doctor?”

Kai ta gyada masa a hankali, ba tare da ta dubi

idanunsa ba. Abinda ya fada ne na

gaba ya sa ta dago ta dube shi.

“Zan iya miki rakiya?” Ya fada yana magana

cikin muryarsa mai taushi da zurfi.

Murmushi ta yi ta ce, “Zan yi magana da Doc

tor din, idan ta amince next zuwa sai

mu je tare.”

“Na gode.” Daga jin muryarsa ya ji dadin

hakan.

Wannan ya nuna masa cewa ko ba komai,

yanzu wancan zancen ya wuce karkar a

wurinta, ta daina kullatarsa da wancan kalma

mai nauyi da ta shiga tsakaninsu.

Tashi suka yi domin gabatar da sallar Maga-

riba, ba ta fito ba har sai bayan issha. Ya

tabota a waya ya ce ta zo su yi sallama zai

wuce. Umm Adiyya ko duk inda ta gilma

kan idon Maami, sai ta ji kunya ta kamata.

Karfi da yaji Maami ta zamo surukarta.

Wani kallo take mata wanda yake nufin.

“Wa ya fada miki Borno gabas take?”

A bangaren Umm Adiyya kuwa, ko kadan ba

ta gajiya da kasancewa tare da Yaya Www.bankinhausanovels.com.ng 

Zaid, wannan ya sa take ta addu’ar Allah sa

Abba kar su jinkirta, yana ganin Baffa

kawai a daura masu aurensu, ai sun kwala

haka nan. An huta, har an gode Allah.

“Me ya sa ki ke murmushi ke kadai?” Ya tam-

baya lokacin da ya kula ta yi nisa a

tunaninta.

“Kawai ina farin-ciki ne.”

“Mashaa Allah. Finally. Da na zaci ko ni ma

zan bukaci ganin Likitar ne, hala ba na

ganin abinda yake gaba na, da sai na ce ban ji

kin ce komai ba, tun farkon abin

nan.”

“Ina cewa idan da ka saurara da kyau da ka ji.”

“Ai yanzu kam ni ma zan je koyon karatun

(Body Language) din nan, tunda bakin

gimbiyartawa nauyi ne gare shi, ba ta iya mag-

ana sai ta gama wahalar da ni.”

“Yaya Zaid…”

“Na’am…

“Dare fa yana yi.”

“Ke dai ki bar ni na kalleki ma’ishina, ina

ruwanki da daren, idan na ga dama a nan

zan kwana.”

Za ka sa Abba ya koramu a gidan nan ashe.”

“Da kuwa ya yi min dai-dai Wallahi, kin ga na

huta zuwa daukar amarya.” Ya fada,

fuskarsa ba alamar wasa, sai ma nuna cewan ta

gwada shi ta ga ikon Allah.

“Yaya Zaid!” Ta fada a shagwabe, murmushi

kawai ya yi yana kallonta. Kafin ya ce,

“To ki huta gajiya. Sai na dawo za ki ganni.”

“Allah Ya kiyaye hanya.” Www.bankinhausanovels.com.ng 

“Ameen.” Ya fada bayan ya mike, don har

cikin zuciyarsa ji yake yi kamar ranar kar

ta kare ya samu abin da yake so. Amma kuma

tafiyar ta sa ma tana da

muhimmanci.

***** ********

Adda Sadiya ce ta tabe baki hade da yin kwafa,

bayan Zaid ya dasa aya, inda ya

tara ‘yan-uwansa kaf a dakin Mama ya yi masu

bayanin sabon al’amarin da yake

faruwa.

“Gaskiya ni dai idan za abi ta tawa, kawai a ba

su hakuri kawai a bari a yadda aka

sa din, ban san me ya sa ma Zaid din ya like

mata ba. Nan fa ta kalli idon Baffa ta

ce bata sonsa, aka zo dai aka yi rufa-rufa aka

lallaba aka yi auren nan, da bakinta ta

nemi saki, sannan ku na kallo, tunda ta tafi

yaushe ta taba tako gidan nan?”

“Adda Sadiya, da gaske ba laifinta bane, Baffa

Zubairu ne baya barin ta je ko nan da

can, iya kanta gidan Adda Zubaida, nan ma

don makaranta ne.” Maryam da ke

zaune a bakin gadon dakin ta sa baki.

“Haa! Ta yaro ba ta karko, gyara kam ai an

wuce lokacin tunda har duniya ta gama

sanin an rabun, za su zo su koma ne, kuma abu

ya sake baci har zumunci ya tabu,

dama tuni, yanzu a cikin dangi wasu suna bin

bayan gidan nan, wasu kuma bayan

Baffa Zubairu da ‘yarsa suke yi. Ga can Hajja

Ku, ina ce har yau fushi take yi da kai

kan batun, shi ne za ka rikitowa kanka sabuwar

damuwar ko?”

Zaid kam tagumi ya zuba da hannaye biyu,

yana bin yan-uwansan da idanu, Adda

Sadiya tana iso wannan gabar, ya sauke tagu-

minsa, ya shafe fuskarsa da tafukan

hannunsa, hade da sauke ajiyar zuciya.

Kun ga an taru a nan ne, ba don ayi wata

muhawara ko meye ba. Magana ya zo

maku da ita kan abinda ya riga ya yanke, ku

dai ko ku taya shi da addu’a, ko ku ja

bakinku ku yi shiru.” Mama ta fada hade da

gyara zamanta ta nade hannu a jikinta.

“Mama, na riga naa fada masu duka lokaci

kawai muke bukata, kuma lokacin nan ya

yi, daga ni har Ummu mun gane matsalolinmu,

kuma a shirye muke da mu gyara, ba

zan maku karya ba, duk wacce ma zan aura

baya ga Ummu, to zan cutar da ita ne

kawai, ita ce zabina, don haka Adda Sadiya ku

yi hakuri, amma ba zan iya canza

ra’ayina ba.”

“Oh, to kuma ka riga dama ka yanke

shawararka, meye amfanin tara mu a nan da

ka yi?” Murmushi ya yi mai sauti sannan ya ce,

“Maman Amira kenan. Dan-uwa ya

wuce gaban komai, addu’arku na ke bukata, sa-

boda ina wata gaba ce na sake

samun sabuwar rayuwa, zan so a ce a wannan

gaba mai mutukar muhimmanci

gareni ku na tare da ni duka, kamar ko yaushe,

a lokutan da na ke samun ci-gaba ko

jarrabawa ta rayuwa.” Www.bankinhausanovels.com.ng 

Fadeela da take ta mutsu-mutsu, don jin dadin

za a koma da Aunty Ummu A ne ta

ce, “Yaya Zaid yaushe ne auren?”

Daga idanu ya yi ya kalli Mama, ita ko ta dan

kau da kanta. Don haka ya ce “Ba a

tsayar ba tukun, amma ina so kafin koma meye

ne, don Allah dukanku ku dubi abin

nan da Sansanyar zuciya, yadda ku ke tunanin

Umm Adiyya ta bata min, haka ni ma

na saba mata sosai. Idan tana da laifi to Dan-

uwanku ma na da laifi.

Ba zan so kuma dayarku ta shiga irin halin da

Ummu ta shiga ba, sannan kuma mu

juya mata baya. Da fatan kun fahimci abinda

na ke nufi? Tana da rawar da take

takawa a rayuwata, kamar yadda kuma ku ke

da naku bangaren, dukkanku ku na da

muhimmanci gareni. Wannan ya sa na ga ya

dace mu fara, on the same page, cikin

fahimtar juna da dadin rai.” Kannen dai duk

sun yi tsam! Sun kuma amince banda

Zainab, sai kuma Adda Sadiya da ta tsume.

“Ina son ku fada min yadda ku ke so ayi.” Ya

fada, yana kallon Yar ta sa.

Ganin yadda kowa ya sa mata idanu,

yana

sauraronta ne ya sa ta ce, “To mu dai sai

dai mu yi addu’a kawai, tunda ka kallafa rai.”

Murmushi ya yi ya ce, “Na gode. Da fatan

kuma maganar za ta kare a nan. Ki yi

hakuri idan na bata miki rai. kawai ina so na

wanzar da abun da yake dai-dai ne

wannan karon, bare ma Ummu kam ai kan-

warki ce, ke mai kiranta ne ki mata fada,

idan kin ga ta yi ba dai-dai ba, koda ace ba ni

ne mijinta ba.”

“Na gane.” Ta fada a takaice, sannan ta tashi ta

bar dakin. Kallo ya bi kofar da shi

kafin ya sauke hucin numfashi.

************

Can yamma ana zaune ana maida maganar ne.

Amira ta ce, “Mama Wallahi Aunty

Ummu tana ji da Yaya Zaid, lokacin da na je

gunsu hutu, zai dawo daga tafiya, sai

kin ga hidimar da take masa, ga ta da kyauta.

Ga kyau. Mama don Allah ku bar su,

su koma.”

“Ke kuma manya na Magana, me ya sako

bakinki a cikin zance?” Adda Sadiya ta

doka mata harara.

Yi hakuri Mama, na ji kawai nayi maku

bayani ne, kar mu dau alhakinta.”

Adda Sadiya kam ta tsume fam! Don haushi

take ji yadda kaninta ya sha wahala

akan yar yarinyar. Yana Indiya da Amurka

kullum suka yi waya, za ta tsinkayi

damuwa a muryarsa, akwai randa ma cikin

dare ya kirata, ba karya kuka yake mata

kamar Karamin yaro, wai bai san inda zai sa

kansa ya ji dadi ba. Sannan yanzu tana

ji tana gani, ace ta bar shi idanu a rufe, ya sake

fadawa wannan halin bayan an

kwana biyu?

Anti ce ta shigo, ta samu ana yiwa Amira fada,

har ta nemi jin mafarin al’amarin.

Dariya ta yi ta ce, “Sadiya kenan, shi fa lamari

irin wannan na aure ki ka ce za ki

tada jijiyar wuya. Wallahi sai ki ga an zo ana

jin kunya. Ai tunda dai suka ce sun

sasanta kansu, to zance fa ya kare, sai dai fatan

zaman lafiya da samun zuria

dayyaba za ki masu, domin ki ka ce za ki kul-

laci abin a ranki, sai ki ga shi kansa dan-uwan

naki zai ji zafin kin ki abinda yake so. Www.bankinhausanovels.com.ng 

Ke kuma daga nan za ki ce ta raba ki da dan-

uwanki, wannan idan ba ayi sa’a ba,

sai ya dawo abin nan da ake kira gaba ta dan-

gin miji, ko dangin mata. Don haka abu

daya ya dace da ke a matsayinki na babba. Ki

ba su shawarar yadda za su gudanar

da rayuwar tasu, har ma zaman lafiyar ta dore

yadda ba a sake jin kansu ba, bayan

albarkar da zai yi ta bayyana. Sai kuma abu

mafi muhimanci mu bi su duka da

addu’a.” Www.bankinhausanovels.com.ng 

“Haka ne Anti, ni dama ba wai ba na son

Ummu ba ne, halin da yake shiga kawai na

ke jiye masa, idan aka samu akasi, aka koma

‘yar gidan jiya.”

“Inshaa Allah ba za a koma ba, bare tana da

yayyu irinku? Ai ku ne iyayen ma, sai

dai mu koma gefe, ku ba su shawara.”

Da lumana dai Anti ta tausashi zuciyar Adda

Sadiya har ma ta sake aka shiga hirar

yadda bikin zai kasance, da ranakun da za a

samu kowa na hutu, don a hadu ayi

zumunCi.